استغاثة من مواطنة الاسكندريه

بعد ازنكم انا اسمي بسنت من اسكندريه

 و كنت بخلص معامله في احد مكاتب البريد اسمه مكتب بريد "عزبة دنا" 

المكتب ده اسمه كده لكن هو موجود في شارع عمومي خارجي الشارع العمومي

 اسمه شارع مصطفى كامل انا صورت المكتب

 حاله صعبه جدا جدا على الموظفين وعلى كمية كبار السن الي بيخدمهم المكتب

 ده لانه بيخدم اكتر من منطقه

 اولا عنده مكب للقمامه 

جنبه بالظبط يعني يعتبر عنده اصلا عامل ريحه بشعه

 وكم من الحشرات في كل مكان غير طبيعي 

ثانيا ولا كرسي واحد جنبه للانتظار الناس بتفضل واقفه ..

المكتب كله عباره عن بابين و شباك من جوه صغير كده مقسم لقسمين و مكتب جوه في مكان ضيق كده يعني بصراحه مكان متعب جدا سواء للي رايح يخلص حاجه والي معظمهم كبار سن او للي بيشتغلوا ريحه صعبه جدا من القمامه وحشرات و الي زاد فيه بير امام باب المكتب بالظبببط متغطي بطوب و خشبه كبيره الي هي الابلاكاش الرفيعه دي لوحده مصيبه غير الي فاتوا ولما اتكلمت من احد الموظفين هناك قالي اننا تواصلنا مع المحافظه اكتر من مره و صورنا انما للاسف من غير اي استجابه 

انا صورت لحضرتكوا صور بسيطه وحبه فعلا انكوا تهتموا بالموضوع

 ده انا متعوده من استاذ عمرو اديب الاستجابه فعلا للمشاكل خصوصا الي ليها علاقه بمصالح الناس